MA MURO

Di manyogot niari i marombus ma angin naro man juluan.Taraso ngali sampe tu oli oli i. Jarupesongoni nadung maturapak ma umak si Butet laos kehe tu tataringan, Harana le baya na naget pasamasak silamotan kan obanaon tu sabaan."Ois, ngalina ningia"  laos manjama  aek na kan pambasu ni pariuki. Bo jakna tarbege muse di ayah si Ucok na baru modom di podomannai."Tarik ulosmu " ningia laos mambalikkon badan nia tu siambirang.Rupana nga nabinito nia nadung  tudapuranma umak si Butet. Harana ia pentong nabaru ro dope man batangaekan, ben asik na namnjala i, bo kotusubuh doma so lalu tu bagas. 

"Modom ma jolo ayah butet" so mardahan au, ning parsonduk nia i na laos manyandang garigit  kehe mangalap aek tu pancur na i parik bagas nalai i. "Olo marcolok ko, naron inda idaho dalan mu bo tagompang muse", ninna man bilik podoman nialai i. Lalu ma tu pancuran itauk mantong aek sagarigit,dungi paiskon badan salau Maruduk. dung salole sude mulak ma tubagas ma taroban aek. Lalu tu dapuran ipasandar garigit idonok tataringi, so kehe sumbayang subuh.

"Ayah Butet, Juguk ma so sumbayang, naron abis kotu"  Ning induk tataring nia i." Dung sumbayang sububuh ma au nangkini itopi ni batangaekan" Ninna muse. 

Salose ma na sumbayang i  tungkas tangkis muse ma di dapuran, salaos mangbin uali tu tataring i tarida  di sia tamburan ni ayah si Butet gantung i topi ni raga i. Itengok tu bagasan, ajakna  gulaen urare marcampur garing na dapot ijala ayah si butet borngini. Ben godang ni roa nia, bulus na ibituai ia ma, so ias ipas tar gule. harana tong le baya nakon sigop do so salose sude,ipas dapot kehe tu sabaan. harana dompak mamuro muse nari.Tarlambat lalu tu du ipangan amporikma eme nadung gumorsing di sabai.

Salose ma na makacak idapuri,isiapkon umak si Butet ma kaporluan nangkan obanon tu sabaan,bope na indahan,gule,dohot nalain lainnai imasukkon ia ma sude tu bagasan adangan i. Dungi so ipio ia ayah Butet,so raplagut laos mangan di manyogot nia ari i. "Modom dope ayah mak", ning si Butet salaos juguk man podoman nia i. "Ngoti ma, soke amu tuaekan, so mangan" ning umak nia. "olo umak",ning si butet,salaos kehe tu donok podoman niayah nia. "Ayah,ayah ngot maho torang ma ari", ning si Butet  tu ayah nia.Tarbege songoni juguk mantong ayah si Butet salao jojong mardalan manogu nogu Boru nia i kehe tu ak pancur an. " Ligi denggan dalan mu inang naron targompang ko", ning ayah nia, "Olo ayah, alus si butet asok. Ben namenekon dope si butet lahona pe napalanan. lalu tu aekan na git maridi muse dope sibutet si dung nai iompa ayah nia doma ia muli man aekan, Lalu tubagas,umak nia pe na inte ma di dapuran pataeng taeng  kalai so rap mangan.    

"Aha gule na mak", ning si butet, " Urare na martolor"ning umak nia. Pebege bege songoni mr si ipas mantong si butet dot ayah nia tudapuran. Disi pentong nadung martibalanma sude.lalu tusi rap mangan ma.Dohot jop niroa, marmanganmantong. "Deges tengok duri nai de maak", naron mokan ko,ning ayah si butet."Tolornai len sia,so ulang mar duri", ning umak nia. Ilehen ayah nia mantong tolor gulaeni,sato ijagit si butet na iaumkn nia ma bulus, bo ngokan jakna namar campur dope dot duri gulaeni. "Aaaaauuuuuuhhh",ning si butet tangis ia, Bo.namngua diho inang ning ayah nia,

"ngokan au ayahhhhh,Ning si butet. "Bo, songoni dehe,tengok ulungku " ning ayah nia salaos mamutar kupih na di ulu nia i. "Bia do lala ho,maelama duri nai",ning ayah nia". "Ape ayah" ning si butet. 

Salose namangani ipasimpu umak nia ma sude, dungi so laos kehe alai mardalan tu saba lombangan."Tar ipas kita sotki,amporik nabahat  isabaan" ning ayah nia.Si Butet pentong na iompa ma ia idalani,harana dalan pe nalandit ben dor na ro udan samasoon.

Lalu ma tu  sabaan juguk ma sibutet di pondok i,umak dohot ayah nia kehe ma ngayak amporik nadung songgop di sudik sabai tingon julu."Buteeet,tairik tali ni otor i", ning ayah nia man tonga ni sabai.Apentong dohur doma habang amporik man tonga sabai dung itarik tarik  si butet tali ni otor na idokon ayah nia i. Soni muse umak nia nganamarnasip mangayak unggeh na itonga sabai bope na adong i duru i. Unggeh Amporik, Silisit, Tarayan, Bondo Bope na Balom na adong i tonga sabai mar habangan sude  harani gosona alai namnggorai i.

Songonimantong karejo ni alai di sabaan satulok arimulai eme tuluar  sampe salose manyabi.Dung salose sabion ato namanggotol, ipalagutma eme isimpan  ibaen tu opuk,so les adong parsilamoton ni ibana sonipe koum koum na adong rosokina disi.

                                                                             

                                                                                 Padang Tujuh, 5 Maret 2014

                                                                                 Taringot di najolo.